Karrysuppa við skeljadjórum

Malan Mohr hevur lagt hesa uppskriftina út

11. apríl, 2010

Bólkur: Annað Suppa

Atkvøður:

Gev tína atkvøðu

Tilfar

Forrættur til 8 fólk

16 stórar jákupsskeljar (er at fáa í SMS)

400 gr av stórum rækjum

1 spsk av smøri

1 knívspíss av safran

2 smá, reyð, turkað chilipipar

1 glas av hvíttvíni

3 dl róma

¾ tsk av grovum salti

frískt malið pipar

2 litrar ‘Karol

Mannagongd

Soleiðis gert tú
Eru skeljadjórini fryst, skulu tey tiðna og dryppa í einari soldu.
Sker jákupsskeljarnar í helvt. Hita smør og safran á einari pannu við jøvnum hita – smørið má ikki blíva brúnt. Koyr jákupskeljarnar í og vend varliga í 1 min. Skrúva hitan eitt sindur upp, koyr skorið chili í, og síðani vínið á pannuna. Lat tað smákóka eina løtu. Koyr róman í og lat tað smákóka eina løtu afturat. Smakka við salti og pipari. Koyr at enda rækjurnar í. Ansa eftir, at rækjurnar ikki kóka og blíva seigar.

Hita síðani karrysuppuna sum ávíst á pakkanum.
Tá tú borðreiðir við suppuni: Stoyt so fyrst karrysuppuna í ein tallerk, síðani skeljadjórini/róman frá pannuni, soleiðis at rómin gevur eitt flott litspæl í suppuna. Pynta so við einum tyssi av persillu, ella tí, ið tú velur.

Send eina viðmerking